26 November, 2008

نوابنا الحريقة! حضور أسوء من مدرسة ثانوية و أفكار نابغة


يعني فوق إنو بزبطوا حالهم بالسيارات و الزيادات من ألف و فوق و بصوتوا على إعطاء أبو عشر نيرات للشعب، و بمنعوا وزارة الزراعة من فتح استيراد زيت الزيتون مشان يحطوا هم السعر اللي بدهم اياه على تنكة الزيت و قوت المواطن اللي بطلع من مزارعهم.

فوق هذا كله كمان ما بيجوا على جلسات المجلس، مثل ما صار مبارح لما حضر 31 من 110.
و يا ريت هالــ 31 زي العالم و الناس... خذولكوا هالعينة


أشار الضلاعين، في نهاية كلمته، إلى أن العديد من الوزارات باتت بلا فائدة للدولة، ما حدا به إلى طرح الاقتراحات التالية حول مصير بعض الوزارات :
1- وزارة تطوير القطاع العام: لتصبح وحدة إدارية في المعهد الوطني للتدريب أو ديوان الخدمة المدنية.
2- وزارة التعليم العالي: تدمج مع وزارة التربية
3- وزارة التنمية السياسية: لا يوجد لها أي أثر، فالأفضل إلغائها.
4- وزارة الاتصال وتكنولوجيا المعلومات: أن تصبح جزءاً من المركز الوطني للمعلومات.
5- وزارة النقل: أن تصبح وحدة إدارية في هيئة تنظيم قطاع النقل.
6- وزارة البيئة: أن تدمج مع وزارة البلديات أو وزارة الزراعة.
7- وزارة الثقافة: أن تتبع للمجلس الأعلى للشباب


لا والله رأي حريقة، بده وزارة الإتصالات و النقل يصيروا جزء من دوائر فيهم، و البيئة هي و الزراعة واحد، مش كلوا بحكي عن كوكب الأرض، أما وزارة الثقافة فبرأيه شبابية بالآخر


2 comments:

Anonymous said...

بس المحترم نسي يقترح إلغاء مجلس النواب وضمّه لحضانة طيور المحبة

haitham al-sheeshany said...

3ady 3ady nasim, sho ya3ny! enta laih 9'ed l ta6awwor wel ta3'yeer .. hadool nowwabna ,, akeed 3ndhom afkar musta4baleyyeah o haik ,,

maaaan ,, a frnd f mine workin` n al-jazeera chnl wz covrin sm reports afew weeks ago (still actually) bwt the parlmnt ,, nd if half of wt he says is half true,, then my frnd we r ltrly doooooooooooooooooooooooooooooooooooooooooooooooomed! jad amAzingly sad stories... espcialy bwt the wt so called مناقشات الميزانية العامة A.K.A. : ...... <---- u fill n the blanks mate!!